Engraziel fetg per Vossa promtadad da separticipar als tests cantunals da Covid-19. 
Nossa scola vegn ad inoltrar ils proxims dis l'annunzia al post responsabel cantunal.
Lez vegn silsuenter a decider cu l'entschatta vegn fatga, tgei di ch'ei vegn testau eav. 

Mo ussa giavischein nus a Vus bialas vacanzas da sport e sin bien seveser gliendisdis ils 8 da mars 2021.

La Regenza grischuna ha prolunghiu l'obligaziun da purtar mascrinas pil scalem superiur il proxim temps.
Niev e naven da gievgia, ils 11-02-2021 ston era ils affons dalla 5avla e 6avla classa purtar ina mascrina.
Davart testar en scola dat ei pil mument negins termins ligionts fixai e definai. Sco emprem pass vegn ei a dar ina consultaziun ed informaziun cantunala pils geniturs. Avon che lezza ei buca succedida, marscha nuot en nossa scola davart testar. 

Astga miu affon vegnir a scola sch'ina persuna dalla famiglia ni che viva el medem percasa sto far in test? 

NA, igl affon ha da restar a casa en curontina tochen ch'il resultat dil test ei avon maun.

• En cass d'in resultat negativ astg'igl affon puspei vegnir a scola. 
• En cass d'in resultat positiv sto igl affon star 10 dis en curontina. 

Nus supplichein tut ils geniturs ed affons da setener vid las reglas suranumnadas ed engraziein per la buna collaboraziun.