Home

CORDIAL BEINVEGNI - NOSSA SCOLA POPULARA MUSTÉR

Cheu anfleis Vus tuttas actualas e relevantas informaziun da Nossa scola populara Mustér.

(actualisau: 07-08-2020)

null

null Instagram: nossascolapopulara


informaziuns per l'entschatta dil niev onn da scola 20/21

Preziai geniturs,
Cars affons,

Nus sperein che Vus hagies saviu guder bialas, bunas e saunas vacanzas da stad.

Deplorablamein ei il virus aunc adina (puspei) cheu e fatschenta nies mintgadi da scola.
Las reglas che han valiu la fin digl onn da scola 19/20 havein nus aunc adina da suandar e risguardas. Quei vul era dir che geniturs ston untgir igl areal da scola e quei gest era igl emprem di da scola, quei che nus deplorein fetg.

Il program digl emprem di da scola, gliendisdis, ils 17-8-2020, vesa ora per las singulas classas sco suonda:

scoletta: normal scoletta igl avonmiezdi (07.40 - 11.10) - senza geniturs, era buca tier ils pigns. Il suentermiezdi sco usitau liber.

1.+ 2. classa primara: scola naven dallas 07.40 - 10.30. Las 10.30 - 11.10 - devoziun en baselgia s. Gions sut l’egida e direcziun dad Olinda Hosang - senza geniturs. Il suentermiezdi ei per quella gada excepziunalmein liber.

3. - 6. classa primara: scola igl avonmiezdi sco usitau, 07.40 - 11.10. Suentermiezdi: 14.00 - 14.45 - devoziun en baselgia s. Gions sut l’egida e direcziun dad Olinda Hosang. Silsuenter liber- senza geniturs. Sco usitau tier ina „normala“ entschatta digl onn da scola.

scalem superiur: scola igl avonmiezdi sco usitau, 07.40 - 11.10. Suentermiezdi: 14.00 - 15.00 - devoziun sut l’egida e direcziun dad Aluis Hosang a s. Gada.
Silsuenter liber- senza geniturs. Sco usitau tier ina „normala“ entschatta digl onn da scola.

Aschia vegnin nus da tener las gruppas pintgas, entuorn 40-60 persunas per gada e risguardar las reglas vertentas.

Per ulteriur sclariment stein nus bugen a Vossa disposiziun.
Ina buna entschatta ed in bien niev onn da scola 2020/21!

cordials salids 
Nossa scola populara Mustér